പൈതൃകം: ഗുരു അഷ്ടകം

ഭാരതീയ സംസ്കാരത്തിൽ ഗുരുവിന് ദൈവത്തേക്കാൾ ഉയർന്ന സ്ഥാനമാണുള്ളത്. മാതാ, പിതാ, ഗുരു, ദൈവം എന്നതാണല്ലോ ശ്രേഷ്ഠമായ തത്വം.

ഗുരൂർ ബ്രഹ്മ, ഗുരൂർ വിഷ്ണു,
ഗുരൂർ ദേവോ മഹേശ്വരാ

ഗുരു സാക്ഷാൽ പരബ്രഹ്മ

തസ്മൈശ്രീ ഗുരവേ നമഃ

ജഗത്ഗുരു ശ്രീ ശങ്കരാചാര്യരുടെ ഈ മന്ത്രം വളരെയേറെ അർത്ഥതലങ്ങളുള്ളതാണ്. മഹാനായ കബീർ ഈ മന്ത്രത്തിന്റെ സ്വാധീനം ഇങ്ങനെ വ്യക്തമാക്കുന്നു, “ദൈവവും ഗുരുവും എന്റെ മുൻപിൽ ഒരേ സമയം പ്രത്യക്ഷപ്പെട്ടാൽ ഞാൻ ആദ്യം ഗുരുവിനെ വണങ്ങും. കാരണം ദൈവത്തെ എനിക്ക് കാണിച്ചു തന്നത് എന്റെ ഗുരുവാണ്".

അജ്ഞതയാകുന്ന അന്ധകാരം നമ്മിൽ നിന്ന് അകറ്റുന്ന വ്യക്തിയെ ഗുരുവെന്ന് കരുതാം. “ ‘ഗു’ ശബ്ദമന്ധകാരം താൻ, ‘രു’ ശബ്ദം തന്നിരോധകം”. പിതാവ്, മാതാവ്, വിദ്യോപദേഷ്ടാവ്, ജ്യേഷ്ടഭ്രാതാവ്, ഭർത്താവ് എന്ന് ഗുരുക്കൾ അഞ്ചു വിധമത്രേ. ഇന്നത്തെ കാലഘട്ടത്തിൽ പലരും കാണുന്നതുപോലെ കേവലം അധ്യാപനം മാത്രമല്ല യഥാർത്ഥ ഗുരുവിന്റെ ധർമ്മം. തന്റെ ശിഷ്യരുടെ വ്യക്തിത്വരൂപീകരണം മുതൽ ഗുരുവിന്റെ സ്വാധീനം ഉണ്ടായിരുന്നു. ഇന്ന് സമൂഹത്തിൽ കാണുന്ന പല അധർമ്മങ്ങൾക്കും കാരണം ‘ഗുരുത്വമില്ലായ്മ’ തന്നെ.

ജഗത്ഗുരു ശ്രീ ശങ്കരാചാര്യർ രചിച്ച ഗുരു അഷ്ടകം ഗുരുവിന്റെ മഹത്വം എക്കാലവും നിലനിൽക്കുന്ന തരത്തിൽ വർണ്ണിക്കുന്നുണ്ട്. ജീവിതത്തിൽ പല കാര്യങ്ങളിലും വഴികാട്ടിയും ഒരുപാട് സ്നേഹത്തോടെ ഉപദേശങ്ങൾ നൽകുകയും സന്മാർഗ്ഗം കാട്ടിത്തരുകയും ചെയ്യുന്ന യഥാർത്ഥ ഗുരുസ്ഥാനീയയായി ഞാൻ കാണുന്ന എന്റെ പ്രിയപ്പെട്ട ഉഷാമ്മയ്ക്ക്(കിലുക്കാംപെട്ടി) പ്രാർത്ഥനയോടെ, സ്നേഹത്തോടെ, ആദരവോടെ സമർപ്പിക്കട്ടേ..

Sareeram suroopam thadha va kaathram,
Yasacharu chithram dhanam meru thulyam,
Manaschenna lagnam Gurorangri padme,
Thatha kim Thatha Kim, Thatha kim Thatha kim.
സുന്ദരമായ ശരീരവും സുന്ദരിയായ ഭാര്യയും

കീർത്തിയും പേരും പെരുമയും കുന്നോളം ധനവും എല്ലാം ഉണ്ടെങ്കിലും